Manger Musikklag beklagar.
I fredagens utgåve av Bergens Tidene var "Tidenes Beste"-konserten på Manger, sundag 21. mars, oppført med feil tidspunkt. Dette beklagar vi, og vonar at dei som ikkje fekk høyrd konserten på Manger får moglegheit til å høyre Musikklaget i Logen i Bergen, tysdag 23. mars kl. 19.30.
Hordablæsten
I høve Hordablæsten 2010 ynskjer Manger Musikklag å gratulere vinnarane i alle klassar, og Radøy Brass og Sæbø Skulemusikklag for eit vel gjennomført arrangement!
Ekstra kjekt var det at fleire medlem i Manger Musikklag gjorde det bra med sine skulekorps denne konkurransen. I 2. divisjon brass sto heile tre av våre eigne musikarar på pallen med kvart sitt korps:
1. plass til Krohnengen Skoles Musikkkorps med Christian Breistein som dirigent.
2. plass til Sotra Vest Skulekorps med Thorgeir Thunestvedt.
3. plass til Sandnes Skulemusikk med Camilla Søderstrøm Tveit.
Dessutan fekk desse korpsa mange gode plasseringer i ensemble- og solistkonkurransane også. Det var ikkje kun som dirigentar Manger Musikklag fikk vist seg i helgen, Thor-Arne Pedersen, Christian Breistein og Birgitte B. Bruget virka og som dommarar under konkurransen.
Ein ekstra gratulasjon til desse Radværingane:
Endre Rydland Vetås frå Sæbø Skulemusikklag, 1. plass i solistklasse 3
Richard Sylta Antrobus frå Manger Skulemusikklag, 1. plass i solistklasse 4
og vår eigen Torgeir Andvik som vann med sitt ensemble frå Sandnes Skulemusikk i Ensembleklasse 4.
Fullstendige resultatlister ligg på Radøy Brass sine heimesider.
NM-siger til Manger!
Endeleg kom NM-trofèet heim til Manger
Fotograf: Marianne Valeberg Nornes
Under Noregsmeisterskapen i Grieghallen denne helga, leverte Manger Musikklag to flotte konsertar under sin fantastiske dirigent, Peter Szilvay, og vart dermed krona til Noregsmeistrar. Korpset fikk ein samla poengsum på 95 poeng, eit halvt poeng framfor Eikanger-Bjørsvik Musikklag på 2.plass. Ekstra stolte er me over solotrombonist, Birgitte B. Bruget, som vann solistpris for sitt vakre spel.
Dommarene vart svært imponert over Manger, og trakk særskilt fram Musikklagets klang og musikalitet, "... jeg opplevde stor og nobel orkesterklang..." skreiv Torodd Wigum, medan John Wallace vart rørt: "Thank you for making beautiful sounds. I was moved".
Foto: Rolf Hestetræet
Etter tre år med skuffande plasseringar kunne endeleg formann Nils Arne Træland løfte kongepokalen til værs som ein nybakt Noregsmeister, medan eit lukkeleg korps kunne slippe jubelen laus. For dei fleste er det nok tittelen som er viktigast, men pengepremien på 50.000 kroner er sjølvsagt også godt å få med seg.
Med NM-siger har Manger Musikklag også sikra seg plass i Europameisterskapen i Montreux 2011
Vi ynskjer å rette ein stor takk til Peter Szilvay, Martin Winter, organist William Kay og ikkje minst støttelaget som alltid stiller opp.
Sjå opninga på "...Dove Descending" på nrk sine nettsider.
 Read More...
God Jul
Manger Musikklag ynskjer alle saman ei
God Jul og eit Godt Nyttår!
MML på NRK P2
Ons dag 16. desember var Manger Musikklag eit av innslaga på radioprogrammet "Fanfare" på NRK P2. Det var eit opptak frå konkurransen SIDDIS BRASS, og delar av MML sitt program som blei presentert av programleder Eirik Os Simonsen.
Opptaket ligg ute på NRK sine nettsider, og der kan ein gå inn og høyre det i nokon veker framover.
Fanfare er et flott korpsprogram, og det er mykje spanende å høyre kvar veke anten du er janitsjar- eller brassbandfantast. Sendingane er onsdagar kl 20.30 på NRK P2.
|
