Tidenes Beste med PK Svensen
 MML held fram med konsertserien ”Tidenes Beste”! Sundag 25. november og tysdag 27. november er det Roy Newsome, Per Kristian (PK) Svensen og Jan Eriksen som vitjar MML for to konsertar i Logen Teater og i Manger kyrkje.
Ferda vår gjennom brassbandhistoria har nå nådd 1950-talet. På programmet står sjølvsagt tiårets store verk Resurgam, i tillegg til tre andre større verk og to tydingsfulle trombonestykke frå perioden, framført av solisten PK Svensen.
For fyrste gong får du høyre kornettsoloen Anna Karenina av Helen Johnston med brassbandakkompagnement. Stykket er nemlig nyarrangert for brassband av Roy Newsome for MML sin principalkornettist Merete Vollan.
Dr. Roy Newsome er berømt i brassbandverda som dirigent, komponist, arrangør, forfattar, pedagog, dommar og radiomann. Han har dirigert og forelese over heile verda, forfatta fleire bøker og står bak nesten 100 komposisjonar og arrangement.
Per Kristian (PK) Svensen kjem frå Stavanger og starta som 11-åring i Eiganes skolekorps. Frå 1995 har han vore solotrombonist i Malmö Symfoniorkester. PK er ein allsidig musikar som opptrer hyppig som solist med både orkester og korps, gjerne kombinert med pedagogisk verksemd.
Tid og stad: Sundag 25. november kl. 19.00 i Logen Teater og tysdag 27. november kl. 19.00 i Manger Kyrkje
Billettar: 120,-/80,-. Skulekorpsmedlemer 50,-.
Velkomen!
Klikk for fullt program
PS. En takk til Dragefjellets Musikkorps som har flyttet tidspunktet for sin konsert i Gunnar Sævigs sal til kl. 18.00. Det vil dermed være mulig å få med seg begge konsertene denne kvelden.
BrassWind 2007
 Helga 28.-30. september vert den fjerde BrassWind Festivalen arrangert på USF Røkeriet. Kunstnarisk ansvarleg Torstein Aagaard-Nilsen ønskjer, saman med Manger Musikklag, velkomen til ei innhaldsrik helg, der ulike varianter av den nye blåsemusikken er på programmet. Sjå www.brasswind.no
Manger Musikklag sin konsert vert tilskipa laurdag 29. september kl. 19:00. Solist med musikklaget i Jan Erik Mikalsen sin nyskrevne konsert Nightsongs for klarinett og brassband er Håkon Nilsen. Ellers speler Manger Musikklag The Great Colour-Gobbler March av Håkon Berge, Arbos av Arvo Pärt og The Dong with a Luminous Nose av Joseph Horowitz
Billettar til BrassWind kan tingast frå brasswind@mangermusikklag.com
Sjå intervju med kunstnerisk leiar Torstein Aagaard-Nilsen på ballade.no og omtale på 4barsrest.com
Blitz
 Sundag 16. september kl. 18:30 skipar Manger Musikklag til konsert i Radøyhallen. På programmet står mellom anna Blitz av Derek Bourgeois og In Memoriam R.K. av Elgar Howarth. Det vert presentasjon av nye medlemer. Billettar 100,-/60,-. Skulekorpsmedlemer gratis.
Alle hjarteleg velkomne!
Klikk for større plakat
PROGRAM:
Black Domino (Auber, arr. Hawkins)
Trombone Concerto, 2. sats (Derek Bourgeois)
Solist: Birgitte Bruget
Molly on the shore (Percy Grainger, arr. Snell)
I’ll Walk With God (Nicolas Brodszky, arr. Richards)
In Memoriam R.K. (Elgar Howarth)
Overture - The Bartered Bride (Smetana, arr. Broadbent)
Glory! Glory! (Wilfred Heaton)
The Great Colour-Gobbler March (Håkon Berge)
Blitz (Derek Bourgeois)
Velkommen til ny sesong med Manger Musikklag
 Tysdag 21. august byrjar ein ny sesong for Manger Musikklag. Spanande prosjekt står i kø, den fyrste konserten vert arrangert i Radøyhallen sundag 16. september kl. 18.30.
Under BrassWind-festivalen i Bergen 28.-30. september vil Manger Musikklag mellom anna urframføre Jan Erik Mikalsen sin konsert for brassband og klarinett saman med solist Håkon Nilsen. Les meir på www.brasswind.no.
Til Siddis Brass reiser vi med eit spesialprogram av Youngblood Brass Band-musikk, og konsertserien Tidenes Beste med gjestedirigent og –solist held fram i november og mars.
Den tradisjonelle Carol Evening i Bergen Domkirke 16. desember vil verte leia av Manger Musikklag sin faste dirigent Stian E. Svendsen.
Til NM 2008 held vi fram vårt gode samarbeid med Robert Childs som vil dirigere MML for tredje gong, og i april går vi i studio saman med Bjørn Sagstad for å spele inn CD.
Vi gler oss, og ynskjer alle hjarteleg velkomne til gode opplevingar saman med Manger Musikklag sesongen 2007/2008.
Gratulerer til Merete og Erik!
Ca 13:35 i går, laurdag 14. juli 2007, sa principal og Bb-tubaist i MML, Merete Vollan og Erik Drevsjømoen, ja til kvarandre i Tresfjord kirke. Etter vielsen bar det til Ålesund, kor det vart feira og festa i Arbeideren, med storband som spelte til dans.
Me i MML gratulerar paret!
 
Tresfjord kyrkje Arbeideren
|
|
| | |
Copyright 2007 © Pål Magne Austnes
Powered by PHP-Fusion copyright © 2002 - 2010 by Nick Jones.
Released as free software without warranties under GNU Affero GPL v3.
1,310,966 unique visits | jQ Blog |
| | |
|
