Jubileumskonsert BrassWind 2024

I helga blei den 20. utgåva av BrassWind gjennomført i Bergen sentrum, og festivalen gjekk føre seg i Grieghallen, Johanneskirken, Kulturhuset i Bergen og Nykirken - Kulturkirken på Nordnes. Musikantane i MML har jobba dugnad heile festivalen, og somme har jobba og planlagd festival i eit heilt år. Her må me nemne kunstnarleg leiar Craig Farr, festivalsjef Frida Solberg Ellingsen og Marianne Bratshaug Gjertsen som har stått for den største delen av jobben.

MML er veldig stolte av BrassWind og alt festivalen har generert gjennom 20 år. Styreleiar Mariannem, kunne i går fortelje at festivalen no har runda over 180 urframføringar. Me er utruleg stolte over å ha skapt ei scene og ein festival som speler ei viktig rolle i kulturlivet i Noreg, og ikkje minst ein møteplass mellom profesjonelle og amatørar. Me vil rette ei stor takk til alle som har vore med på festivalen; utøvarar, komponistar, dirigentar, lyd- og lysteknikarar, dugnadsfolk og bidragsytarar.

Takk til vinnar av #LydenAvUnge, Mikkel Dahl Amundsen, for eit flott stykke musikk for brassband som me fekk æra av å urframføre i går. Takk til Ingebjørg Vilhelmsen - Composer for eit flott bestillingsverk som me har hatt gleda av å jobbe med den siste tida. «The Island of Doctor Moreau» er kjekt både å spele og lytte til. Takk også til Benjamin Winter og Ingeborg Fonnes Flaten som var solistar på MML sin konsert i går.

Til slutt vil me rette ei STOR takk til alle som kom på festival, og som brukte av tida si på å lytte til ny musikk og ulike ensemble i helga.

💥Neste år er festivalen frå 26.-28. september. Me håpar mange vil setje av helga og putte ho inn i korpskalendaren sin allereie no💥

Følg med på www.brasswind.no for informasjon